Zazavavin-drano : Tandremo ny manota fady !

Tsy fantatray mazava ny zava-nataony, fa ny ampitso dia nilazany fa tsy ho hita ny “havanay” raha tsy manaiky izahay fa tsy hiresaka na inona na inona any ivelany any. Nampalahelo fa ny fatin’ny namanay no nentinay nody. Na ny ray aman-dreniny aza tsy mahalala ny tena anton’ny nahafatesan’ny zanany afa-tsy ny hoe “maty an-drano” ary tsy nisy afaka ny nanavotra azy izahay namany. Any amin’ny faritra andrefan’ny Nosy any dia lazaina fa misy “zavatra” tokoa. Ny mponina any efa mahafantatra fa raha sendra misy maty andrano dia tsy misy azo atao afa-tsy ny mionona. “Tsy ho azo intsony ny razana rehefa izay no tian-dry zareo” any. Raha ny resaka ody fitia, dia tena mandaitra io. Tsy resaka setron-tsigara fotsiny, na ranomanitra akasoka amin’ny tanana, na ireo fanafody alatsaka anaty sakafo, fa ao ihany koa ireo harena be toy ny vola sy trano be. Ny tovovavy ankehitriny, raha vao mahita olona be vola, dia efa roboka, satria mahavita ny filàny. Mihitatra ny sain’ny tanora amin’izao fotoana, ka mitady tetika mba ahafahany hitampikiran’ilay lehilahy be vola aminy, ka manatona ireny olona mpitaiza ireny. Aoka anefa tsy hanandrakandran-doza, satria be ireo lasa nivoaka alina noho izany. Raha ny voalazan’ity mpitsabo etsy 67 ha ity, dia ny fampiasan’ny olona vovo-paty, na alefa any amin’ny toeram-bazimba ny sarin’ilay olona tiany asiana izany, na ihany koa ny singan-dambany no anton’ireny fivoahana alina ireny. Mila mailo amin’io, satria tsy ny fitetehana vazaha no handehanana hanao ny tsy fanao. Ny ataonay, hoy ity mpitsabo ity, dia ny mamerina ny olona nisaram-panambadiana, na tokan-trano mikorontana. Misy ireo olona maniry ny hanana olon-tiana, ary vitanay no mampitambatra azy ireo, raha toa ka tsy mbola manam-bady ilay olona. Be no efa mitokan-trano amin’izao, ary efa niteraka ankehitriny, izay miaina ao amin’ny tokantrano sambatra amin’izao fotoana izao. Izay tokoa ny hoe anjakao ny zava-bohary, saingy tandremo ny olona afaka hanampy ny tena, sao mijabaka, hoy i Noelah.