Fijery ny fiainam-pirenena: Hetsika Vonjy Aina

Raha misy ireo teny iarahan’ny rehetra na eto anivon’ny firenena na iraisampirenena manana sy miombon-kevitra ankehitrio dia loha-laharana amin’ireny ny tamba-teny hoe: «tsy fiandaniana». Raha ny fihainoana ny kabarin’ireo mpanao politika malagasy dia toa vokatra mahagaga nilatsaka avy any an-danitra hamoaka an’i Madagasikara amin’izao kizo nidirany efa roa taona sy tapany izao io hevitra io. Amim-panet ren- tena no hanambaranay ato amin’ny Hetsika Vonjy Aina fa io tokoa no hany teny ahafaoka be mitondra amin’ny Fifampihavanana sy Fitoniana manoloana izao savorovoro politika tsy ahita-mitsinjo amin’izao fotoana izao. Ny filan’ny tsy fiandaniana manko dia mitaky fahitsiana sy fahamarinana ary finiavana politika amin’ireo ankolafin-kery rehetra mihevitra ho manana andraikitra amin’ny famahana izao krizy mianjady izao, indrindra ny amin’ny fananganana ny tetezamita tena izy.