Rajoelina Andry: Tsy hanondro ny datim-pifidianana aloha

Tsy mbola fantatra ihany koa izay horaiketin’ilay fanitsiana avy amin’ny Sadc momba ilay tondrozotra, ka tsy azo hikoropahana ny fanitarana ny andrim-pitondrana misy araka izay efa voasoratra tao anatin’ilay efa vita rangotra. Tsy mazava izany ny politika tena hirosoana marina raha hiandry ny ho fanitsiana,na koa hanao hitsin-dalana amin’ilay efa nananganana ny governemanta. Tsy misy tompon’antoka Iza no tena tompon’antoka amin’ny fanatanterahana ny fifidianana eto amintsika ? Nanambara tokoa ny mpitarika ny tetezamita Avo, omaly ihany, fa tsy misy antony hikarohana ny  fankatoavana iraisam-pirenena intsony, ary ny natao hatrizay dia ny haneken’ny sehatra iraisampirenena ny fanovàna nataon’ny vahoaka  Malagasy, fa tsy ho fanekeny ny fahefan-dRajoelina. Dia ahoana izany? Fa na manaiky na tsia ny fahefan-dRajoelina izany ny sehatra iraisam-pirenena dia tsy misy dikany? Ny Gasy tokoa izany efa manaiky izany fahefandRajoelina izany? Manaiky izay rehetra ataony sy tiany hamaritana ny lalana izoran’ity firenena ity? Dia iza no tompon’antoka amin’izay lazainy?

Ony Rambelo