Vinavinaina ny hiditra an-tanety

ao amin'ny faritra atsimo

andrefan'ny nosy rahampitso

alakamisy ilay rivo'doza HARUNA

Misy andro ratsy niforina ao

amin'ny océan indien 6000km

miala ny morontsiraka, nomena

anarana EMANG, mizotra atsimo-

andrefana ny diany.

Nanao bemidina teny behoririka

indray ireo mpiasan'ny fivondronana

nanala ny fivarotan'ireo mpivaroytra

amoron-dalana.

11:00(23-11-2012) Seimampafi..Noraisin'ny filohan'ny tetezamita Rajoelina izao maraina izao

Ireo mpanao fitaterana ao anatin'ilay Sendikan'ny mpanao fitaterana eto Madagasikara no hilaza ny olan'ny fitaterana eto Madagasikara eny Ambohitsorohitra. Tsy ny fitaterana an-tanàn-dehibe ihany no manana ny olana fa ny sehatra nasionaly mihitsy araka ny fanazavana azo avy amin'ireto SEIMAMPAFI ireto.

11:10(22-11-2012):Maty i Haja RAKOTONIMANGA

Very Mpanakanto isika malagasy, satria dia nodimandry i Haja Rakotonimanga noho ny aretina nahazo azy.Anisan'ireo mpanakanto nisongadina teo amin'ny tontolon'ny jazz izy, ary efa nitendry ihany koa niaraka tamin'ireo mpanakanto maro eto Madagasikara.Vao omaly no notontosaina ny tolo-tànana ho azy mialoha ny fandidiana, nefa dia izao tsy tana izao ny ainy.
Mirary fiononana feno ho an'ny fianakaviany sy Elsie vadiny ny mpiara-miasa rehetra eto

11:32(21-11-2012) Taxiphone: Lasa manararaotra loatra

Ankoatra ny mpitatitra izay niaina ao anatin'ny gaboraraka tanteraka dia sahirana tokoa tato ho ato ny mpanjifa noho ny afitsoky ny Taxiphone. Mifamaly fotsiny no hany ataon'ny mpanjifa sy ny mpikirakira ity asa ity satria nisondrotra tampoka teo ny saran'ny fanjifana ka tonga hatrany amin'ny 300 ariary ny sandan'ny iray minitra

11:12(21-11-2012) Kaomina mitoka-monina

Tapaka ny lalana mampifandray an'i Bezaha sy Benenitra vokatry ny fahasimban'ny Radier ao Besely, tanimbary 4.000 ha no simba, 1.000 ha hafa tsy mahazo rano. Ireo no vokatry ny fahavakisan'ny barazy ao Ambarinakoho Bezaha. Ny alin'ny sabotsy hifoha ny alahady teo no nisy izany tarehin-javatra izany.

11:00(20-11-2012) Raikitra ny fitokonan'ny Mpitatitra an-drenivohitra

Misavoritaka tanteraka ny raharaham-pitaterana eto an-drenivohitra. Andrasana ny ho tohin'ny raharaha satria efa miatraika mivantana amin'ny amin'ny fandaham-potoan'ny sarambaben'ny olompirenena ny fitokonan'ny mpanao fitaterena an-tanàn-dehibe. Misy an-kavitsiana ihany no manao ny asany an-davanandro. toy ny 133...139

11:30(16-11-2012Mpandraharahan’ny fitaterana

“Fampihorohoroana izao ataon’ny fanjakana izao”

Tsy ekena ary lavina marindrano ny fanomezan-dalana ny zotra ivelan’ny renivohitra hiditra an-tanan-dehibe, satria mety hitarika korontana eo amin’ny samy mpitatitra izany. Mety hanosika ireo mpitatitra rejionaly sy nasionaly hiditra eny Analakely hitady mpanjifa izany » hoy Richad, filohan’ny jeunes transporteurs. Ho an’ny filohan’ny FIMPA (Fitaterana mpanjifa) kosa dia fanontaniana no napetrany: “ndrao mba vava fotsiny hampihortohoroana ny mpandraharaha miantsehatra amin’ny “urbaine” izany fa tsy hahatanteraka hatramin’ny farany akory ka handiso fanantenana ny mpanjifa?” Nanampy izany tamin’ny fahitàny ny zava-misy ankehitriny ny filohan’ny SEIMAMPAFI, Rakotoarisoa Hery, fa fanapotehana ny UCTU io ary fampihorohoroana ataon’ny fanjakana mihitsy. Na izany aza dia nanamafy ity farany fa tsy hiady velively ny samy mpitatitra na inona tetika hampizarazarana azy ireo fa kosa hitsangana hiaro ny fandraharahan’izy ireo.

15:12(15-11-2012)Adala hilomano anaty lapa: Nahaliana azy ilay tifi-drano

Mafana tokoa ny andro ka mihetsika ny hadalàna isan-karazany. Tahaka ity tranga tetsy amin’ny lapan’ny tanàna Analakely ioatoandro io. Tsy fantatra na ahoana na ahoana ny fomba nidiran’ity ranamana ity tao amin’ny tokotanin’ny lapan’ny tanàna tao, satria mihidy ny vavahady; fa izy efa nanomboka nanala akanjo handeha hilomano no tazan’ny tompon’andraikitra.

Migaingaina tokoa moa ny andro ka asa na noho ny hafanana be loatra no nampihetsika ny areti-tsainy. Avy hatrany dia nanao be fiavy tamin’ny fiaran’ny fivondronana ireo polisy monisipaly handeha hisambotra azy, ka vaky nandositra, ary nifanenjehana erak’iny tokotanin’ny lapan’ny tanàna izy.

16:23(14-11-2012) Foana ny fotoana nomen-dRaharimanana Patrick

Nofohanan'ny Commune Urbaine d'Antananarivo ny lanonam-panokafana ho famoronan'asa ho an'ny rehetra izay atao ao Mahamasina ny alahady 18 novambra 2012. Lanonan saika handraisan'ny artista maro samihafa anjara no sady hijoroan'ilay kandida ho filoham-pirenena Raharimanana Patrick

15:00(1'-11-2012)

Omer Beriziky :  Hiainga hamonjy an'i Genève (Suisse)

Mandritra ny roa andro ny praminisitra Beriziky no hanao ity fitsidihana any ampitan-dranomasina ity. Manaradia azy amin'izao diany izao i David Verly sy Jean Robert Razafy

11:40(11-11-2012) Ho avy tsy ho ela intsony "ny Vaovaontsika"