Mpiasa avy any Liban: Inona no tena marina momba azy ireo ?

Re nandritra ny resadresaka teny Ivato fa tsy ireo tena tokony hody no notsenaina sy niantohan’ny fanjakana malagasy ny fampodiana azy, fa ireo mpiasa nahatapitra ny fe-potoana  « contrat » tokony niasany tany Liban. Tsy niharan’ny fampijaliana, fa mbola ta-hanavao ny fifanarahana tamin’ny mpampiasa azy indray aoriana. Tsy toy ireo niharam-boina tany (na maty na very saina nanahirana ny fianakaviany) ny endriky ny ankamaroan’ireo notsenaina fa vehivavy miramirana tonga an-tanindrazana avy nandranto. Dia manontany tena ireo tena maharaka ny zava-nisy marina nianjady tamn’ireo tena nitaraina hoe «  f’angaha tsy ireo tena tokony hampodiana an-tanindrazana no tonga notsenaina tamim-pomba ofisialy teny Ivato io afak’omaly io ? Fa nisy inona nihodinkodina tany ambadimbadika tany no ireo tsy tokony hody no nampodiana ? Nankaiza ny volabe manodidina ny 20 tapitrisa ariary isan’olona tokony hampodiana ireo tena mila izany hody an-tanindrazana ? Misy antony politika maizina tiana hahatongavana ve tamin’ny fisehoana hikarakara ireo olona nanofana fiaramanidina manokana hampody ny tsy tokony hody tamin’iny fotoana iny ?» Re mantsy fa ireo tena tokony hody dia mbola hadino any Liban, fa ireo « mahitahita » sady mbola mihevitra ny hamerin-desona ireny tonga ireny ? Misy tsikombakomba ratsy hiarovana tombon-tsoa manokan’ny mpitondra ankehitriny sy ireo izay nandefa ireny vehivavy nila ravin’ahitra, kanefa mijaly any Liban tsy anisan’ireo tafody an-tanindrazana ve no nahatonga ireo tena nandrasana higadona teny Ivato ? Ho an’izay mahalala ny fomba fiady tao anatin’ny roa taona naha-krizy an’i Madagasikara, dia « zara aza misy an’ireny isehosehoana fa veloma lava any izay tsy miray kopaka isasana amin’ny toe-draharaha toy itony. Fomban-javatra ihany izany ho an’ireo mihevitra ny tsy ho tratry ny alok’akoho !