Gidragidra ao Ivato Firaisana: Handray ny asany ny ben’ny tanàna

Rehefa voaheloka higadra ary ingahy ben’ny tanàna Yves Rasoloarisata, dia nandray ny asa vonjimaika ny lefiny. Ireo lefiny, dia isan’ny nitory ity ben’ny tanàna, ary mbola mitondra hatramin’izao. Rehefa namoaka ilay didy fandravana ilay fanamelohana indray anefa ny teo amin’ny fitsarana misahana ny ady atao amin’ny fanjakana, dia nandresy ity ben’ny tanàna lanim-bahoaka ity. Omaly, dia mitaky ny hamerenana azy amin’ny toerany amin’izay ireo olona mpomba azy teny amin’io kaominina Ivato firaisana io. Ingahy ben’ny tanàna ihany koa etsy ankilany, dia heno fa handray ny asany tsy ho ela ? Hanaiky izany ve ireo momba ny lefitry ny ben’ny tanàna sy ireo mpiara-miasa aminy, izay mampihodina ny kaominina amin’izao fotoana ? Ho hita eo, satria ny herinandro hitsidika izao no ahitana ny valiny. Pilo kely