Sipa tsy mihontsona: Misy inona ?

Tsy misy vehivavy nateraka ho tsy hihontsona kosa anefa, araka izany. Natao hanana fivelarana ho amin’ny fiainana ara-pananahana avokoa ny olombelona tsirairay. Ireo nobeazina tanaty tontolo tsy dia misokatra sy tsy misy fifanakalozan-kevitra nandritra ny fotoam-pahazazana matetika no ahiana ho “frigide” rehefa lehibe. Mety hipoitra ho azy eo anivon’ny tokantrano ihany koa ny “frigidité” raha toa ka misy olana goavana sy tsy misy fifampiresahana eo amin’ny mpivady. Eo ihany koa ny tsy fahatokisan-tena mpitranga eo amin’ny vehivavy. Dradradradraina amin’izao fotoana izao rahateo ny fanatrarana ny fahafinaretana faratampony sy ny tontolony. Miteraka tsy fahatokisan-tena sy ahiahy amin’ny olona maro ny firesahana izany. Ilaina araka izany ny fifehezana ireo teknika rehetra mahakasika io tontolo io, saingy natokana ho an’ny olon-dehibe sy ny zatovo izy ireny matetika. Ny fifampiresahana ihany aloha hatramin’izao no lalana azo antoka hampandeha araka ny tokony ho izy ny fiainana ara-pananahana eo amin’ny mpivady. Tsara kosa ny manatona mpitsabo manam-pahaizana manokana amin’izany sehatra izany, ho an’ireo vehivavy tratry ny “frigidité” tsy ahitam-panafany