Fitohizan’ny fanonganam-panjakana ?

Haroso ho fidian’ny mpifidy ny hisian’ny lalàmpanorenana vaovao sady tsy manome fahefana feno ny filoham-pienena no tsy ampy hahatompon’antoka ny solom-bavam-bahoaka (sadasada manan-tsoratra), haverina hiainana indray ny faritany enina izay lovantsika tamin’ny mpanjanaka (moa zava-baovao ve izany?), Hajoro ny fahefam-pitsarana hahafahana mitsara ireo mpitondra fanjakana (moa tsy efa voasoratra tao amin’ny lalàmpanorenan’ny Repoblika fahatelo va izany?). Masi-mandidy ? Fa ambonin’io resaka fitsapan-kevi-bahoaka io dia misy resaka ho fandaminana ny « fahefana avo ankehitriny ». Tsy ilàna fakan-kevitra intsony izany fa tonga dia nomen’ny mpivory fahefana feno (?)ny fitantanana ny tetezamita ankehitriny… Haongana daholo izay mbola manam-pahefana napetraky ny safidim-bahoaka mivantana. Rehefa voahongana tamin’ny alalan’ny didy hitsivolana ny filoham-pirenena voafidy farany, dia notohizana tamin’ny fampiatoana ireo solombavam-bahoaka, ny loholona, amin’ i zao dia hosoloina ho PDS ry “Ingahy Mera”. Manerana an’i Madagasikara izany dia tsy misy olom-boafidy intsony na IRAY monja aza (“vahoaka” toy ny inona r ’Ingahiroa no hanaiky an’izany?). Izay rehetra notendrena kosa dia hohamafisina ny toerany toy ny filohan’ny fahefana avo, ny an’ny fitsarana avo momba ny lalàm-panorenana. Fa mbola hanendry hafa ihany koa hiasa any amin’ny Faritra miisa 22, ny distrika 119, ny any amin’ny fahefana nolazaina fa hanao lalàna any. Dia mazava izany fa ireo olona « tsy homby dimy arivo » nivory teny andrefan-tanàna no ho tompon’ny familiana ny ho avin’ny firenena, nanongana ny safidim-bahoaka no natao teto nandritra ny 18 volana. Koa azo hinoana ve ny hahazoan’izany fanapahankevitra izany fankatoavana eto amin’ny sehatra anatiny? Mazava koa fa namovoka fot s iny sy hi janona ho nofy ny eo amin’ny sehatra iraisam-pirenena. Tetezana lavabe Aiza no tokony hisian’ny ady hevitra manomboka eto? Mbola hifandrohitana ve ny tetezamita sa hiarahitsikombakomba amin’ny fanonganam-panjakana efa natombony ny daholobe? Iza no tena hijery ny fihetsiky ny tompom-pahefana? Tsy ho azo inoana ny hilaminan’ny fiainam-bahoaka amin’ity fanapahana teny Ivato ity, satria dia natao hiparitaka manerana an’i Madagasikara izany ny korontana arapitantanam- panjakana taty ambony taty. Hatao tetezamita madinidinika daholo izany isaky ny kaominina? Dia hapetraka eo ny PDS? Dia hisy olom-pi renena hijoro hanohitra izany? Satria hiaro ny olom-boafidiny izy? Dia hisy andian-tafika madinidinika koa hamoritra ireny « vahoaka kely » ireny? Dia ho tohizana lavabe ny tetezamita satria mety hisy ota mahafaty tsy hahazoana famotsoran-keloka koa anie haterak’izany e! Sao fanakorontanana àry no natao tao amin’ny fikaonan-dohampirenena? Mba sanatriaviko ihany ny vavako fa h