Maitre Avoko: Vavaka fa tsy rà mandriaka

Efa nisy ny dinika natao tamin’ny fiangonana maro samihafa amin’io rahampitso io, araka ny nambaran’i Maître Avoko, ary isan’io ny FFKM . Naharitra 90 minitra ny dinika nataony tamin’ireo ray aman-dreny am-panahy ireo, ary voadinika tao ny momba ny raharaha kung fu sy ny raharaham-pirenena, ary ilay hetsika rahampitso. Nofaranana tamin’ny fotoam-bavaka ny dinika. Isan’ny hitondra am-bavaka izao hetsika izao ihany koa ny fiangonana Apokalipsy tarihan’i Pasitera Mailhol, ary efa vonona ny mino maro be hanohana izao hetsika izao. Vavaka ho an’ny tanindrazana no atao, fa tsy hanakorontana. Be ny vahoaka no nisalasala tamin’ny voalohany, satria sao dia mety hitarika azy any am-ponja indray ity hetsika ity, saingy rehefa nohazavaina taminy, fa hitondrana am-bavaka ho an’ny tanindrazana ity atao rahampitso ity, dia vonona izy ireny. Dia ho hita eo ny fahavononan’ny malagasy hivavaka amin’io rahampitso io, fa efa mba maro ihany izay milaza hivavaka ho an’ny firenena izay, ary samy nanana ny mpanara-dia azy izy ireo tamin’izany. Vainafo zanany