Ny mpanao politika no fositra

Ny fisian’ny fisamborana olona maneho hevitra tany Toliary, ary ny tsy mbola namoahana ireo gadra politika sy ny mpanao gazety any am-ponja. Dia ahoana, raha izany, no hiafaran’ity firenena ity ? Hambara fa ho avy ny kaonferansy nasionaly izay handraisan’ny daholobe anjara, hidirana any amin’ny repoblika faha-efatra. Iza avy no mbola handray anjara ao ? Ny avy aty amin’ny Ratsiraka, Zafy Albert, ary Ravalomanana efa nilaza fa tsy handray anjara amin’izany. Ireo mpiray donakafo ihany ve izany no hikaon-doha samy irery eo, satria efa tsy misy fifanajana sy fitazomana ny teny nomeny intsony eto? Ny hamehezana ireo, dia ny mpanao politika no tena fositra, ary mampijabaka ny firenena any anaty kizo tahaka izao. Izao ve no nidinginan- drambo, fa vitanay samy malagasy i rery ny famahana olana, fa tsy ilana vahiny ? Matinkambo fa tsy mahavita azy isika, ary hita fa ny tombontsoa manokana no mibaiko ny sasany, fa tsy tena ny fitiavan-tanindrazana. Samia mandinika ry vahoaka, fa rehefa azony ny toerana, very asa ianao, ary izao no hiafarany