Be tetika ambony latabatra: Sonia aza tsy hay, maika fa fifidianana

Tsy mbola vita indray ilay fifanarahana politika natao teny Ivato e. Inona indray aza no tena sakana tao, fa dia lany andro fotsiny ny rehetra izay nandray anjara teny. Ekena fa nisy ihany ny datim-pifidianana isankarazany nivoaka, fa ny tena fanampahan-kevitra goavana tsy hita veroka. Eo ohatra ny momba ny fandravana ny governemanta mba ahafahan’ny rehetra mandray anjara amin’io andrim-panjakana io. Ny fikaonadoham-pirenena, izay tsy hita taratra mazava ny olona handray anjara sy ny vola ho entina ampiasaina amin’io. Misy tsy fifankahazoan-kevitra ao, matoa mitarazoka toy izao ny dinika politika. Teboka tokana hialana amin’ny krizy ve dia tsy hita ? Atidihan’olona firy no niketrika tao, saingy ny nanao sonia ho amin’ny marimaritra iraisana ve dia tsy hay ny nanao azy ? Izany ve ny olna mikasa hikarakara fifidianana ? Ny manao sonia anie mora nohon’ny mikarakara fifidianana e.......