Olana sa vahaolana: Ny lehilahy kely filahiana

Antony maro no voalaza ho mahatonga ny “micropénis”, raha ara-medikaly. Azo tanisaina ao anatin’izany ny tsy fahampian’ny “hormones” maha-lehilahy na ny “androgènes”. Mety ho antony mitarika izany ihany koa ny tsy fahatomombanana eo amin’ny fiforonan’ny “chromosomes”. Azo raisina ho toy ny karazana aretina rehetra ihany ny fananana “micropénis”. Hatreo amin’ny taona fahamaotiana dia fomba iray azo hanasitranana io tranga io ny fampidirana “testostérone” amin’ny alalan’ny tsindrona. Rehefa hita fa tsy mahomby intsony ity fomba ity dia mety hiafara amin’ny fandidiana ny fitsaboana. Mety hahazoana roa santimetatra ny fandidiana. Ny zavatra tsapa hatramin’izao aloha diam bola olana iray miteraka sakana eo amin’ny fiarahan’olon-droa ny fisainana izay hakelin’ny filahiana izay. Rehefa natao ny fanadihadiana tany amin-dry zareo Egypsiana dia lehilahy 92 izay mihevitra ny tenany ho manana “micropénis” no efa nangataka fandidiana tamin’ny manam-pahaizana vokatr’izay. Rehefa tena nirosoana anefa ny fandidiana dia hita fa amin’ny antonony tsara avokoa ny refin’ny filahian’izy ireo fa ny sainy mihitsy no efa samba. Fanohanana aratsaina fotsiny ihany dia mety ho ampy nanasitrana azy ireo, tsy voatery nandalo fandidiana. Koa dia asakasak’izay lehilahy manana fiheverana toy izany !