Vehivavy mikoty lehilahy

fitiavana

Ity indray ny vokatry ny fanadihadiana nataon’ny manam-pahaizana mikasika ny zavatra tian’ny lehilahy eo amin’ny lafiny fitiavana. Mety ho taitra ihany ianao raha ilazana fa ny fiarahana anaty tokantrano, miaraka amin’ny olon-tiany hono no tena mahafinaritra indrindra ny lehilahy momba izay sehatra izay. Tsy ny asany velively, na ny fianakaviany. Ho an’ny 76%-n’ny lehilahy tsy mbola manan-janaka dia ny fiarahana amin’ny vadiny no zavatra mahafinaritra azy indrindra. Ny 63%-n’ny lehilahy manambady indray no mihevitra fa io vadiny io no tena vehivavy natokana ho azy hiara-dalana aminy eo amin’ny fiainana. Tsy mahagaga raha toa ka tanjona iafaran’ny fiainany ara-pitiavana ny fandraisany ny mariazy ho an’ny 50%-n’ny lehilahy........

Rehefa nanontaniana indray ny fototra manorina ny fanambadiana ho an’ny ankamaroan’ny lehilahy dia ny firaisan-tsaina sy ny hanihany ary ny fiarahana mihomehy no lalana ahatongavana amin’izany ho an’ny 67%. Momba ny fisarihana zoro amim-behivavy indray dia voalaza fa ny vehivavy manana fahasahiana no tena mahasarika indrindra ny ankamaroan’ny lehilahy. Ny 88%-n’ny lehilahy hono no mankafy kotikotian’ny vehivavy avokoa. Ny 83% no mankafy horohan’ny vehivavy. Ho an’ny ankamaroany, izany hoe ny 72 % indray dia voalaza fa mahafaly azy ireo mihitsy ny fahitana ny vehivavy mampiseho ety ivelany ny fakany tsirony amin’ny fiarahana. Sehatra azo iadiankevitra tsara ny momba izay ho antsika

écrire commentaire

Vehivavy mikoty lehilahy

Commentaires: 0