Basket-ball – CCCOI 2009: Ho avy tsy ho ela ireo mpifaninana

Ekipa 12 no hifaninanana amin’izany ka enina avy ho an’ny sokajy vehivavy sy sokajy lehilahy. Na dia samy mitondra mpitsara iray avy farafahakeliny ireo ekipa mandray anjara dia handefa “commissaire au match” iray sy mpitsara roa ny FIBA Afrika, mba hitantana ny lalao izay tsy homba ny atsy sy aroa. Ny sabotsy 12 jolay ho avy izao no hanaovana ny antsapaka hamaritana ny vondrona sy izay ho fizotry ny fifaninanana ary hisy fiofanana sy fivorian’ireo solontenan’ireo ekipa 12 handray anjara izany ny ampitson’io, izay samy atao etsy amin’ny lapan’ny fanatanjahantena mahamasina avokoa. Tafiditra ao anatin’ny hodinihana amin’izany ny fanovanany “charte de la CCCOI” sy ny soso-kevitra ho amin’ny fiofanana ho an’ireo mpitsara avy aty amin’ny faritra fahafito hiomanana amin’ny lalaon’ny Nosy ny taona 2011 ho avy izao. Aorian’io, izany hoe ny tolakandron’ny 13 jolay avy hatrany, dia hiroso avy hatrany amin’ny fifanintsanana isam-bondrona ka tsy maintsy hifandona avokoa ireo ekipa telo avy isam-bondrona.

Ireo ekipa handray anjara :

L e h i l a h y : C O S F A (Madagascar ) , BCD (La R é u n i o n ) , P L S HAWK S (Seychel les ) , JEUNESSE CANON 2000 (Mayot te) , AMISCO (Comores), REAL CLUB (Maurice)

V e h i v a v y : B B C M (Madagas car ) , BCD ( L a R é u n i o n ) , HOT S HOT S (Seychelles), BASKET CLUB MT S A P E R E (Ma y o t t e ) , FAIFAFFE (Comores), HOOP BASKET (Maurice) Zaka Fils