Kaominina Ivato Firaisana: Ho PDS i Dr Mamy ?

Noraisin’ny fokonolona ohatra ihany koa ny tany Toamasina. Tsy mbola voaheloka ilay ben’ny tanana nefa efa nandray ny toerany ny PDS. Tsy tokony hiavaka ny kaominina andrenivohitra sy ny ambanivohitra amin’ny fampiharana ny lalana toy izao, hoy ireo olona nanangona sonia maro be ny herinandro lasa teo. Araka ny fantatra, dia efa nisy ampahan- tsonia voalohany nalefa eny anivon’ny distrika sy ny minisiteran’ny fitsinjarampahefana ary ny minisiteran’ny Ati-tany, saingy mbola tsy nisy valiny? Heno nandritra ny resaka an-jorony teo amin’ireo olona marobe manao fanangonantsonia fa mety ho dokotera Mamy Andriamahafaly izay ben’ny tanana teo aloha teo amin’io kaominina io, ary laharana faharoa nandritra ny fifidianana farany teo no hatolotry ny olona ho PDS. Manina ny zava-bitany ny fokonolona, toy ny fanaovana sekoly sy paompin-drano, ary toerana fanasan-damba, ka izay no hanosehan’ny fokonolona azy ho PDS. Hanaiky izany ve anefa ny fanjakana? Tsara ny mampahafantatra, fa miezaka mamita asa ihany koa ankehitriny ny ben’ny tanana mpandimby toerana, ary tsy hanaiky hiala mora amin’ny toerany ny tenany amin’izao hetsiky ny fokonolona izao. Raleva zokiny