Izay niakatra tsy nidina intsony

Dia tena ho ny sandan’ny vola dolara niakatra tokoa ve no antonym mampiakatra ny vidin’ny solika eto amintsika, sa misy antony hafa hafenimpenina ao ambonimbony ao ? F’angaha moa tsy vita sy tsy hain’ireo mpivazavaza mpanao dridran’Ingilo milaza ho mahavita tena sy tsy mila vahiny ireo ny manondrotra ny sandam-bola Malagasy ? Zava-droa loha no andrasan’ny mpanara-baovao taorian’ny niakaran’ny vidintsolika tamin’ny faran’ny herinandro nivalona iny. Voalohany, ny f iant rai - kan’izany fiakaran’ny solika izany eo amin’ny fiainana andavanandro. Aleo di a tsorina fa tsy maintsy hisy akony eo amin’ny vidin’entana ankapobeny izany, indrindra ireo entana tsy maintsy andoavana sarandàlana vao tonga eny amin’ny mpanjifa. Hatramin’izao aloha dia mbola tsy nampakatra ny saran-dàlana ireo fitaterambahoaka eto an-drenivohitra sy ny manodidina, kanefa raha ny tahan’ny fisondrotan’ny litatry ny gazoaly (300 Ar isaky ny litatra) no jerena, dia azo vinavinaina ho tsy maintsy hisondrotra ny saram-pitaterana ato ho ato......

Mahagaga ihany Fa anisan’ny mahalasa eritreritra ny sarabambem- bahoaka amin’ i ty fisondrotry ny vidin-tsolika ity, ny filazan’ny tompon’andraikitra voakasik’izany fa ny fiakaran’ny sandan’ny vola dolara amerikana raha mitaha amin’ny sandan’ny vola malagasy no antony nampiakatra ny vidin-tsolika eto amint s ika. Fantat r a mantsy fa efa ho herintaona mahery izao no tsy nihetsika f i r y teo amin’ny 74 na 75 US$ teo ny vidin’ny 1 baril (manodidina ny159 litatra eo ho eo) amin’ny solika tsy voadio eo amin’ny tsena iraisam-pirenena. Dia eo indr indra no ivoahan’ny fanontaniana hoe : f ’angaha moa tsy hoe « mahazo aina tsara ny vola malagasy na dia eo aza ny krizy, ary mbola ampy ny tahirim-bola vahiny ao amin’ny banky foibe ao », raha ny voalazan’ny ministry ny volan’ny FAT tao ho ao izay. Fa ny tena mahavalalanina, ary mahavelom-panontaniana ny maro dia izao: tamin’ireny krizin-tsolika tamin’ny taona 2008 ireny dia efa tafakatra mihoatra ny 140 US$ ny 1 baril tamin’ny solika tsy voadio ny 3 jolay 2008,saingy tsy mbola toy ity fiakaran’ny vidiny tamin’ity volana jolay ity ny nivarotan’ny kaompania maninjara solika teny amin’ny mpanjifa teto Madagasikara. Izay ve no lanja miakatra ? Raha atao ny fampitahana tsotsotra ireo tarehimarika etsy ambony ireo, dia mazava fa nihoatra lavitra ny vidin’ny solika tamin’ny vidiny 140 US$ ny vidin’ny iray litatra eny amin’ny mpaninjara amin’izao vidin’ny 1 baril manodidina ny 75 US $ izao. Koa rehefa nidina ny sandan’ny vola dolara dia tsy mba hita mihitsy ny fidinan’ny eo amin’ity vidin-tsolika ity, saingy rehefa miakatra ny sandany dia poa toy izay ny fidangany eto amintsika. Ka inona no marina ? Ny vaovao re araka ny sahoan-dresaka manodidina i l a y f a n g a t a h a n ’ n y ministeran’ny angovo sy ny ministeran’ny volan’ny FAT fihaonana amin’ireo mpandraharaha eo amin’ny solika handinihana ny fomba hitazonana ny vidin-tsolika amin’ny vidiny teo aloha ny hoe : « hampihenana, na hanafoanana mihitsy ny hetra alain’ny fanjakana amin’ny tombom-barotra azon’ny orinasa (IBS) ». Dia hihena indray izany ny vola hiditra amin’ny kitapom-bolampanjakana raha raisina izany fanapahan-kevitra izany. Sao dia ny fitadiavankevitra hamahana ny olana ara‑politika, mba hiverenan’ireo mpamatsy vola iraisam-pirenena mahazatra, toy ny Vondrona Eropeana sy ny banky ary ny tahirim- bola iraisam-pirenena no vahaolana haingana hampiarin-doha ny sandan’ny vola malagasy ?