Rugby – Makis de Madagascar Hiatrika lalao famaranana anio

Anio any Harare Zimbabwe no hiatrika ny lalao famaranana amin’ilay fifaninanana “four nations” ny makis de Madagascar, ka ry zareo Zimbaboeanina no hifampitady amin’izy ireo. Ekipa efatra no nifaninanana tamin’izany ka lalao manasa-dalana avy hatrany no natao taorian’ny antsapaka amin’izay hifandona. Ry zareo zambianina no nifanmpitsapa tamintsika, ka resin’ny Makis tamin’ny isa mazava 36 no 16. “Essais” 5 no tongan’ireo mpilalaontsika dia i Rija, Biby, Jôda ary Côcô. Ry zareo zimbaboeanina kosa nanamontsana ny botswanais tamin’ny isa mavesatra 84 no 10. Ny zimbaboeanina izany no hihaona amintsika amin’ny lalao famaranana anio. Ho henjana ny adin’ireo maherifontsika, satria tsy misomonga mihitsy ny zimbaboeanina sady milalao ao amin’ny taniny ka maro mpanohana. Azo antoka anefa fa tsy maintsy hitady fandresena ny mpilalaon-dRazily rahampitso, izay saika mpilalao sangany sy zatra miaraka avokoa no any. Hialoha io lalao famaranana io kosa dis hisy ny lalao fiadian-toerana izay hifandonan’ny zambianina sy n y botswanais. Zaka Fils