Lehilahy matanjaka : Niray tamim-behivavy 8 000

olon-dehibe · fitiavana

Efa maro karazana ihany izay voka-panadihadiana nentina tamintsika teto izay. Mbola hafa noho ireny ihany koa ity anio ity, izay mampahafantatra antsika ny lehilahy mahery manao firaisana ara-nofo maro indrindra eran-tany. Misy ny mihevitra fa mety ho lehilahy be volabe, na tsara tarehy be no tompon-dakan’izany. Tsy vitsy ireo diso hevitra satria dia izany Umberto Billo, lehilahy mpiasan’ny hotely iray malaza any Venise, Rome, any no voahosotra ho lehilahy nahavita nanao firaisana ara-nofo amina vehivavy betsaka indrindra eran-tany...

Voalaza mantsy fa miisa valo arivo ireo vehivavy niarahany nanao firaisana ara-nofo hatramin’izay niainany teto an-tany izay. Mpitondra sy mpanatitra ny entan’ireo olona tonga mivahiny ao amin’ny hotely misy azy no asan’i Umberto, ka izay no ahafantarany izao karazam-behivavy avy amin’ny lafy valon’ny nosy rehetra izao. Tsy sarotra ho azy ny miditra amin’ny efitranon’ireo vahiny, ka matetika izy no misy manasa hiaraka hatoritory sy hanala havizanana. Im-betsaka izy no efa saika voaroaka tamin’ny asany, satria hoe vizana loatra, hila tsy hahavita an-tsakany sy an-davany ny asany.

Manaraka azy amin’ny isa akaiky i Charlie Sheen, izay nanao firaisana ara-nofo tamim-behivavy miisa dimy arivo. Mitana ny laharana fahatelo i Gene Simmons, izay ikoizana amin’ny fananany lela lavabe sy mitara-mena, niaraka tamim-behivavy miisa 4 600. Any amin’ny fahaefatra any indray i Engelbert Humperdinck mitovy laharana amin’ilay mpanakanto Julio Iglesias, izay samy niray tamim-behivavy telo arivo.

Raha ireo voka-panadihadiana ireo dia tsy voatery ho tsara bika sy tarehy vao ho afaka hiaraka amim-behivavy. Samihafa kosa anefa ny “qualité” sy ny “quantité”, satria tsy midika hoe fahombiazana avokoa ireo firaisana ara-nofo miisa valo arivo vitan’i Umbreto ireo. Tsy nahazoana fanazavana fanampiny ny mikasika izany.

écrire commentaire

Commentaires: 3

#1
Rajoelina (jeudi, 01 juillet 2010 02:33)

Ny anay ny alika no record toy izany izay efa niray tamin'ny alika vavy miisa 8500
#2
Aina (lundi, 05 juillet 2010 11:46)

izany razoky izany ve tsy efa tena topondaka ihany koaamin'ny aretina ? Izany koa ve tsy efa sahalan'ny taolakatsaka ny hahiany !
#3
joe (vendredi, 09 juillet 2010 10:14)

fa firy taona ary zany zoky zany?, de manambady ve izy? de tao anatin'ny firy volana, na firy taona no nanaovany izany sa mandrapahafatiny? matanjaka ka!