Fihetsiketsehana alohan’ny fety: Mitohana sahady ny fifamoivoizana

Mivolon’andro fety ny andro eto an-drenivohitra amin’izao fotoana izao. Efa nanomboka elaela ihany ny fanadiovana sy fampihaingoana ny tanàna. Nanomboka tamin’ny alakamisy hariva teo no niteraka fitohanan’ny fifamoivoizana ity fanomanana ny fankalazana fetim-pirenena ity. Tsy azo nidirana teo Anosy, ny alakamisy hariva. Ny zoma maraina dia njitohy izany ka niainga teny Anosy, hatreny Anosizato ny fitohanan’ny fiara. Tsy tafavoaka mankany Andrefan’Ambohijanahary ny avy any 67 ha, raha tsy mihodidina mankany Anosibe, nihazo ny Paraky eny Soanierana. Niala zigla hoy ny fitenenana, saingy tratry ny fitohanana ihany rehefa nahazo ny lalam-pirenena. Be no nimenomenona hoe toa iniana volena ity fitohanana ity mba hanaporofoina fa vonona handray ny fety ny vahoaka. Toa tsy misy andraikitry ny vahoaka hatreto, ary mbola tsy anatin’ny fandraisana anjaran’ireo mponina akory, dia efa mitohana tsy misy ohatr’izany. Napetraka tamin’ny zoma ny podium isankarazany. Nyeo Anosy no tsara ampahafantarina anao fa tsy lalan’ny maika mandrampahavitan’ny fety.

HERY A