Mijere tena aloha !

Notsarain’ i Andry Rajoelina ireo mpitondra ny firenena malagasy sy ny fomba nitantanan’izy ireo ny firenena nandritra ny 50 taona niverenan’ny fahaleovan-tena, ary nanehoany ny fahitany azy, nandritra ilay fanambarana nataon’i AndryRajoelina ny alarobia hariva teo. « 50 taona niharetana sy niadiana nefa tsy nahazoana fandresena ; 50 taonan’ny haratsiam-panahy sy ny fihatsaram-belatsihy ; nyfitiavan-tena ; ny fahadisoampanantenana; ny fitantanana tsy nahomby ; ny lainga sy ny famitahana ».....

Tsy mba niseho mihitsy nandritra izay dimy ambin’ny folo volana nitondrany samirery ny tetezamita izay tokoa ireo an ? Mihevitra angamba izy fa « mijery fa tsy mahita ny malagasy ». Mihevi-tena angamba ny tovolahy fa tsy mba anisan’ireo voakasik’ireo fiampangana nataony an’ireo filoha nifandimby nitondra teto ireo. Tsy afa-bela koa anefa izy satria ny 49 taona talohan’ny nandrombahany fahefana no nanosorany fotaka ireo “nodimbiasany”, saingy tokony halentiny ao an-tsaina koa fa ny herintaona nahateo amin’ny fitondrana azy , dia tsy hihambahambana fa izy no nahafeno ireo amin’izao faha-50 taona izao. Izany hoe ireo zava-dratsy nokihaniny sy notanisainy ary nambarany ho ren-tany ren-danitra, tamin’iny kabary iny, favitan’ny teo aloha nandritrany 49 taona dia vitany haingana dia haingana tao anatin’ny 1 taona monja. Dia tena tahaka ny hoe tsy nisy na inona na inonavanona sy tsy nahavita mihitsy ireo mpitondra voafidimbahoaka ara-dalàna nitondra teo alohany. Raha henatra na fanapotehana ny firenena no nilazany ireo fahavoazana vokatry ny fitiavan-tenan’ireo nifandimby nitantana ireo, dia niampanga tena koa izyary tsy afaka manilika izany tsy fahombiazana izany ho amin’ny hafa fa tompon’andraikitra ihany koa. Dia hitsanga-menatra sa hitafy henatra izany izy rehefa hanatrika ny lanonana samihafa hankalazana ny fahadimampolo taonan’ny nahazoan’ny firenena afrikana zana-tany frantsay fahinyamin’ny 14 jolay 2010 ho avy izao eny amin’ny « champs Elysée », araka ny fanasan’ny fitondrana frantsay. Izany tokoa no tonga amin’ilay oha-pitenenana hoe « kapakapa vorombe sima, mijere tena vao manemitrany hafa ». Rakoto