Namadika palitao ny be palitao !

Vyvato Rakotovao, Ando Parson, Jaona Ralison, Haja.

Ireo no tena mpiara-miasa akaiky tamin'Atoa Fetison Rakoto Andrianiriana. Anaram-bositra nomen'ny mpitolona azy ireto ny hoe : be palitao, tsikaritra tokoa fa dia nirentirenty foana ry zalahy ireto na dia tolona teny ankalamanjana aza no natao. Gaga ny mpanara-baovao fa dia tonga teny Iavoloha nandondom-baravarana tamin'i Andry Rajoelina ireto telo voalohany ny amin'izay ho mpikambana vaovao ao anatin'ny Governemanta hajoron'ny Fat. Fa inona no mitranga e? tena mamy be tokoa angamba izany toerana ministra izany fa dia sahy mitsipa-doha laka-nitana mihitsy! Raha mbola ny ady hevitra amin'izay hiaraha-mitantana ny tetezamita no ataon'ireo lehiben'ny ankolafy efatra, ireo zanak'i Dada kosa nisolantsolana teny Iavoloha, Ingahy Vyvato Rakotovao dia vao haingana no nahaton'ny tanora Tim tsy ho sekretera jeneraliny intsony, i Ando Parson indray vao avy tany Pretoria tamin'ny listry ny ankolafy Ravalomanana farany teo. Koa mipetraka ny fanontaniana hoe Iza marina no naniraka azy ireo tany? sa tena namadika palitao sahady ireto be palitao ?