Mpiasa voaroaka: Miala amin’ny « zone » dia mi-kil

Aoka tsy hanome tsiny anay ianareo, satria fomba ahoana no andoavanay hofan-trano raha toa ka tsy manao izao fihetsika izao izahay ? Raha ny hita tamin’ireto tanora vehivavy teny Ivato ireto ny alakamisy lasa teo, dia mandehandeha toy ny olona rehetra izy ireo, ary rehefa mahita lehilahy mitondra fiara mijanona na misotrosotro, dia manatona, ary dia manao ady varotra eo. Raha ny fanadihadiana natao teny an-toerana sy ny manodidina, dia Ar 3000 monja dia efa « mi-kil » araka ny fomba fiteny ireto vehivavy ireto. Raha mikasika ny filazan’ny mpitondra tetezamita fa alefa hamboly izy ireo, dia tsy marisika ny handeha hamboly ireo mpiasa sendra anay. Ao anatin’ny fandroahana mpiasa ireo orinasa afaka haba amin’izao fotoana izao, vokatry ny fandaozan’ny AGOA antsika. Mamita ireo kaomandy eo ampelan-tanana sisa ireo mbola misokatra, ary heno fa efa maro no nandroaka mpiasa. Any amin’ny tapaky ny volana Martsa any ho any vao miverina maka ny ambim-bolany ireto mpiasa ireto. Misy kosa ireo efa nampiato ny asany tamin’ny volana desambra lasa teo, no miverina any amin’ny toerampiasany manontany vaovao amin’ny 23 Janoary ho avy izao. Na eo aza i reo olana sedrain’ireo mpiasa ireo, dia tsy mbola naneho ny heviny kosa amin’ny hitarihan’ny mpanao politika azy ireo handeha hitokona etsy sy eroa. Ny hany mba fanirian’izy ireo, dia ny hiverenan’ny AGOA eto, ary mba afaka hiasa indray izy ireo, satria ny fiovana notakiana, dia ny tsy fahaverezan’asa toy izao. Raleva zokiny